YAP Gənclər Birliyinin nümayəndə heyəti Türkiyə Böyük Millət Məclisində olub

Abdullah Yiğit 31 Ocak 2023 SİYASET YAP Gənclər Birliyinin nümayəndə heyəti Türkiyə Böyük Millət Məclisində olub için yorumlar kapalı

 

 

Xəbərlər

YAP Gənclər Birliyinin nümayəndə heyəti Türkiyə Böyük Millət Məclisində olub

2023

Türkiyənin hakim Ədalət və İnkişaf Partiyasının (AK Parti) Gənclik Qollarının dəvəti ilə qardaş ölkəyə səfər edən YAP Gənclər Birliyinin nümayəndə heyəti Türkiyə Böyük Millət Məclisinin deputatı, Türkiyə-Azərbaycan parlamentlərarası dostluq qrupunun rəhbəri Şamil Ayrımla görüşüb.

Nümayəndə heyətini salamlayan Şamil Ayrım Azərbaycan ilə Türkiyənin “bir millət, iki dövlət” fəlsəfəsinə əsaslanaraq bütün sahələrdə müttəfiqlik münasibətlərini uğurla inkişaf etdirdiyini vurğulayıb. O, ortaq hədəflərin reallaşmasında gənclərin üzərinə mühüm vəzifələr düşdüyünü söyləyərək bu səfərin gənclər arasında əməkdaşlığın dərinləşdirilməsinə müsbət təsir göstərəcəyinə inamını ifadə edib.

YAP Gənclər Birliyinin sədri Bəxtiyar İslamov hər iki ölkənin dostluq, qardaşlıq və strateji müttəfiqlik münasibətlərinin zirvədə olduğunu bildirib. O qeyd edib ki, iki qardaş ölkənin gəncləri Türkiyə-Azərbaycan əlaqələrinin inkişafına layiqli töhfə vermək əzmindədirlər. B.İslamov səfər çərçivəsində keçirilən görüşlərin gənclər arasında gələcək əməkdaşlığın yeni istiqamətlərinin müəyyənləşdirilməsi baxımından mühüm əhəmiyyət daşıdığını diqqətə çatdırıb.

Görüşdə qarşılıqlı maraq doğuran bir sıra məsələlər müzakirə olunub.

 

kaynak:http://www.yap.org.az/az/view/news/71683/yap-gencler-birliyinin-numayende-heyeti-turkiye-boyuk-millet-meclisinde-olub

 

 

Etiket

© Copyright 2024, Tüm hakları saklıdır!.