Tokionun Ueno parkında “Azərbaycan festivalı” təşkil edilib

18 dekabr, 2023

Tokionun Ueno parkında “Azərbaycan festivalı” təşkil edilib

Yaponiyanın paytaxtı Tokionun mərkəzində yerləşən məşhur Ueno parkında ilk dəfə “Azərbaycan festivalı” keçirilib.

Diasporla İş üzrə Dövlət Komitəsinin dəstəyi ilə keçirilən tədbir Azərbaycan-Yaponiya Dostluq Mərkəzi və Yaponiyanın “BMI Company Limited” qeyri-hökumət təşkilatı tərəfindən təşkil edilib.

Festival iştirakçılarını salamlayan Azərbaycan-Yaponiya Dostluq Mərkəzinin sədri Xəlil Kələntər bildirib ki, tədbirin məqsədi qədim və zəngin Azərbaycan mədəniyyətini yerli sakinlərə ətraflı şəkildə çatdırmaqdır. Qeyd edib ki, Xəzər dənizinin sahillərində yerləşən və qədim türk yurdu olan ölkəmiz son illər qazandığı böyük nailiyyətlərlə yalnız Yaponiyada deyil, bütün dünyada çox yaxşı tanınıb. Azərbaycan dövlətinin azad edilmiş ərazilərdə apardığı nəhəng bərpa və quruculuq işləri, “Böyük Qayıdış” proqramına uyğun olaraq məcburi köçkünlərin öz ata-baba yurdlarına qayıtmağa başladığı nəzərə çatdırılıb.

O, festivalın yüksək səviyyədə təşkilinə göstərilən dəstəyə görə Azərbaycan Respublikası Diasporla İş üzrə Dövlət Komitəsinə, Tokio hökumətinə və Yaponiyanın Xarici İşlər Nazirliyinə xüsusi minnətdarlığını çatdırıb. Bildirib ki, Azərbaycan və yapon xalqları arasında dostluq əlaqələrinin daha da inkişaf etməsinə xidmət edən belə tədbirlərin davamlı şəkildə təşkili mühüm əhəmiyyətə malikdir və bu layihələr yaxın gələcəkdə davam etdiriləcək.

İki gün davam edən festival zamanı Tokio sakinlərinə ölkəmizin qədim tarixi, zəngin mədəniyyəti və milli mətbəxini əks etdirən nəşrlər, nümunələr, rəqslər nümayiş etdirilib və mahnılar səsləndirilib. “Lotos Kələbək” rəqs qrupunun, həmçinin saz, ud və tarda ifası ilə artıq Yaponiyada yaxşı tanınmış Kiyoşi Ohiranın qrupunun çıxışı təqdim olunub.

Festival yerli sakinlərdə və şəhərin qonaqlarında böyük maraq doğurub.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/tokionun-ueno-parkinda-azerbaycan-festivali-teskil-edilib-3973

Nyu-Yorkun məşhur parkında Azərbaycan Bayrağı ucaldılıb

, 2023

Nyu-Yorkun məşhur parkında Azərbaycan Bayrağı ucaldılıb

ABŞ-ın Nyu-York şəhərinin maliyyə mərkəzi hesab olunan “Wall Street” küçəsində yerləşən məşhur “Bowling Green” parkında 18 Oktyabr – Müstəqilliyin Bərpası Günü münasibətilə Azərbaycan Dövlət Bayrağının qaldırılma mərasimi keçirilib.

Azərbaycan Nyu-York Assosiasiyası üzvlərinin təşkilatçılığı ilə baş tutan mərasimdə Nyu-York meriyasının təmsilçiləri, azərbaycanlı diplomatlar, soydaşlarımız və yerli ictimaiyyətin nümayəndələri iştirak ediblər.

Mərasim iştirakçılarını salamlayan Azərbaycan Nyu-York Assosiasiyasının prezidenti Ercan Yerdələnli və vitse-prezidenti Zəminə Mirhadıyeva bayram münasibətilə təbrik ediblər. Builki bayramın fərqli olduğuna, Azərbaycanın ərazi bütövlüyünün və suverenliyinin Qarabağ üzərində tam bərpa edilməsi fonunda keçirildiyinə diqqəti cəlb ediblər.

Sonra Azərbaycan Dövlət Himninin sədaları altında üçrəngli şanlı bayrağımız Nyu-York səmasına ucaldılıb və ABŞ bayrağı ilə yanaşı dalğalandırılıb.

Tədbir zamanı soydaşlarımız və şəhərin turistləri Azərbaycan bayrağının fonunda şəkillər çəkdiriblər.

Qeyd edək ki, Azərbaycan Dövlət Bayrağı şəhərin ilk rəsmi parkı və nəhəng bayraq meydanı kimi tanınan “Bowling Green”də 10 gün müddətində dalğalandırılacaq. Oktyabrın 27-dən isə Azərbaycan bayrağını Türkiyə bayrağı əvəz edəcək. Türkiyə Respublikasının yaranmasının 100 illiyi münasibətilə bu yerdə Türkiyə bayrağı səmaya ucaldılacaq.

FOTO QALEREYA

dostların arasında bunu ilk tövsiyyə edən sən ol

DIGƏR XƏBƏRLƏR

kaynak:https://diaspor.gov.az/az/news-detail/nyu-yorkun-meshur-parkinda-azerbaycan-bayragi-ucaldilib-3697

parkında – Kars Tercüman

Tokionun Ueno parkında “Azərbaycan festivalı” təşkil edilib

Nyu-Yorkun məşhur parkında Azərbaycan Bayrağı ucaldılıb